ጉድኣት ዝብሃል: ነቲ ሰብ ክጉዳእን ጽልዋ ከሕድረሉን ከሎ እዩ። እዚ: ኣካላዊ ጕድኣት እውን ዘጠቓልል ኢዩ: እንተዀነ ግን ናይ ሓደ ሰብ ስምዒት ወይ ኣእምሮኣዊ ጥዕና እውን ከጠቓልል ይኽእል ኢዩ ።

ዝበዝሑ ሰባት ሕያዎትን ዘይጏድኡን እኳ እንተ ዀኑ ካልእ ሰብ (በጽሒ ዝኾነ) ንኻልእ ሰብ ምስ ዝጎድእ መብዛትኡ እዋን ብዕላማ ወይ ብሸለልትነት ኢዩ ማህሰይቲ ዝወርዶ ።

ኣብነታት…

ሓለዋ ኸምዚ ዝስዕብ ምግባር ኢዩ -   

1)    ንዓኹም ዀነ ንኻልኦት ሰባት ንከይትጕድኡ ወይ ንኸይትህሰዩ ክልክል ይኾነኩም።  

2)    ካልኣይ ጊዜ ንኸይጥሰዩን ካብ ማህሰይትኹም ኸኣ ንኽትሓውዩን ይገብር።  

3)    ብሓፈሻኡ ኺርአ ኸሎ ሰባት ድሕንነትን ሓጐስን ጥዕናን ንኺሕልዎም ይድግፎም እዩ።

በዚ ሰይፍ ፓሰጅ ኵሉ ሰብ ብደሓን ከም ዚነብር ክንገብር ንደሊ ኢና። ልዕሊ ዅሉ ድማ ካብቲ ሰይፍ ፓሰጅ ዝዀነ ይኹን ሰብ ከም ዘይጐድኣኩም ወይ ከኣ ኣብ ጎድንኹም ኮይኑ ስለ ዝዓዪ ዝዀነ ይኹን ጕድኣት ከም ዘየውርደልኩም ኸነረጋግጽ ክንጽዕር ኢና።

✅ ምሳታቶም እትራኸበሉ ቦታታት ድሕንነት ዘሎዎ ቦታ ንኽኸዉን ይጽዕሩ።

✅ ኣኽብሮትን ሓልዮትን ኬርእዩኹም

✅ዛዕባ እተጐዳእኩምሉ ወይ እተጨነቕኩምሉ እዋን ትነግሮዎም እንተ ኣሊኹም ኪሰምዑኹምን ኬዘራርብኹም ኣለዎም ፣ እዚ ኸኣ ብዛዕባኡ ኽትዘራረቡ እንተ ደሊኹም ጥራይ እዩ ።

✅ እንተ ተኻኢሉ ብዛዕባኹም ኣብ ዚግበር ውሳነታት ኬእትዉኹም ኣለዎም ።

✅ ብዛዕባኹም ዚገልጽ ሓበሬታ ብስቱር ኪሕዝዎ ኣለዎም።

❌ ኪሃርምኹም ወይ ብኣካላዊ መዳይ ኪጐድእኹም

❌ ኪጭድርልኩም፣ ብዝጐድእ ኣስማት ኪጽውዕኹም ወይ ከኣ ብዛዕባ ገዛእ ርእስኹም ሕማቕ ከም ዚስምዓኩም ዚገብር ዘረባ ምዝራብ።

❌ ክትገብርዎ ዘይትደልዩ ነገራት ንኽትገብሩ ኬገድደኹም ወይ ገንዘብ ወይ ዝዀነ ይኹን ነገር ካባኹም ኺወስዱ። ካብ ውሑስ መገዲ እትረኽብዎ ኩሉ ግልጋሎት ናጻ እዩ።

❌ ኪትንክይኹም ወይ ብጾታዊ መገዲ ኺዛረብኹም። ምሳኹም ፍቕራዊ ርክብ ኬማዕብሉ የብሎምን ።

❌ ኣብ ማሕበራዊ መራኸቢ (ኢንስቶግራም ወይ ፌስቡክ) ምሳኹም ኺራኸቡ ወይ ብዛዕባ እቲ ምሳኹም ዚዓይዎ ዕዮ ዘይተሓሓዝ ነገራት ኪልእክልኩም።

❌ ናብ ቤትኩም ኪመጹ ወይ ናብ ቤቶም ኪዕድምኹም

ኣብ መብዛሕትኡ እዋን ምስ ሓደ ተወካሊ ሰይፍ ፓሰጅ በይንኹም ኣይትኾኑን ኢኹም። ከምኡ እንተድኣ ዄንኩም ኸኣ ኣብ ሰብ ክርእዮ ዝኽእል ቦታ ኪኸውን እዩ።

ገለ ኻብቲ ስርዓታት እንተ ጥሒሱ ወይ ኪጐድኣኩም ወይ ቅሳነት ከም ዘይስማዓኩም ምስ ዝገብር ንኻልእ ሰብ ካብ ሰይፍ ፓሰጅ ክትነግሩ ኣለኩም። ንኽትነግሩና እትኽእሉሉ እተፈላለየ መገድታት ኣሎ፤ ዝጠዓመኩም መገዲ ክትመርጹ ትኽእሉ።

• ናብ: donoharm@Safepassage.org.uk ኢ-መይል ብምልኣኽ እንታይ ከም ዘጋጠመ ኽትነግሩና ትኽእሉ ኢኹም፤ ሓደ ሰብ ድማ ተመሊሱ ኼመያይጠኩም እዩ።

• ምስ ፊል ወይ ቤት ክትዘራረቡ ትኽእሉ ኢኹም።

• ንቤት ወይ ንፊል ዘይትፈልጥዎም እንተ ዄንኩም ወይ ምሳታቶም ክትዘራረቡ እንተ ዘይክኢልኩም ምስ ካልእ ሰብ ሰይፍ ፓሰጅ ክትዘራርቡ ትኽእሉ ኢኹም። ንኣብነት እዚ ንጉዳይኩም ዝውክል ወይ ኣካያዲ ስራሕ ክኸውን ይኽእል እዩ።

• ንመን ከም እትነግሩ ዘይትፈልጡ እንተ ዄንኩም ኣብዚ ወብ ሳይትና ኽትነግሩና ትኽእሉ ኢኹም። እዚ ቅጺ እዚ ብብዙሕ ቋንቋታት ይርከብ ፦

ንኽንሕግዘኩም ድሉዋት ኢና። ስለዚ ኽትዛረቡና እትኽእሉ ሓደ ተወካሊ ሰይፍ ፓሰጅ ጌጋ ምስ ዚገብር ጥራይ ኣይኰነን። ጽቡቕ እንተ ዘይተሰሚዑኩም ወይ ካልእ ሰብ እንተ ጐዲእኩም ነዚ እውን ክትነግሩና ትኽእሉ ኢኹም ።ኵሉ ሳዕ መፍትሒ ኣይህልወናን ይኸውን እንተዀነ ግን ወትሩ ኽንሕግዘኩም ወይ ምስ ሓደ ኽሕግዘኩም ዝኽእል ሰብ ከነራኽበኩም ኢና እንጽዕር።

ሓደ ተወካሊ ሰይፍ ፓሰጅ ገለ ጌጋ ኸም ዝገበረ እንተ ነጊርኩምና እንታይ ከም ዝበልኩምና ኽንምርምር ኢና።

እዚ ኸኣ ምናልባት ሓደ ሰብ ብዛዕባ እቲ ዝዀነ ነገር እንደገና ኼዘራርበኩም ኣለዎ ማለት ኪኸውን ይኽእል እዩ ።

ካልኦት ሰባት ምእንቲ ኸይጕድኡ እውን ለውጢ ኽንገብር ክንጽዕር ኢና ።

ካልእ ሰብ ይጐድኣኩም ኸም ዘሎ እንተ ነጊርኩምና ንኻልኦት ሰባት ክንዛረቦም የድልየና ይኸውን ። ቀዳማይ ፊል ወይ ቤት ኣብ ሰይፍ ፓሰጅ ወትሩ ኺንገሮም ዚኽእል እኳ እንተ ዀነ ነቶም ካብ ሰይፍ ፓሰጅ ወጻኢ ዘለዉ ሰባት እውን ኪነግርዎም የድልዮም ይኸውን ፣ እዚ ማሕበራዊ ሰራሕተኛ ወይ ከኣ ጉዳይኩም ዝውክሉ ካልኦት ሰባት ኪኾኑ ይኽእሉ እዩም። ንዚጐድኣኩም ወይ ነቲ ዅነታት ንዜጋድዶ ሰብ ሓበሬታ ኣይነካፍሎን ኢና ።

ኣይፋልን ንሱ ኣይኮነን። ሓደ ሰብ እንተ ተጐዲኡ ወይ ማህሰይቲ እንተ ወሪድዎ ነዚ ምስጢር ጌርና ኽንሓብኦ ኣይንኽእልን ኢና ። ይኹን እምበር ንመን ከም እንነግር ኣጸቢቕና ኽንጥንቀቕ ኢና ፣ ነቶም ኪፈልጡ ዜድልዮም ጥራይ ድማ ክንነግሮም ኢና ።እዚ ዜፍርህ ኪመስል ይኽእል እዩ፤ ከይነገርኩምና ብምስጢር ከትሕዝዎ ትደልዩ ትኾኑ እንተዀነ ግን ምእንቲ ክንሕግዘኩም ኽንጽዕር ክትነግሩና ተስፋ ንገብር።

ብዛዕባ ዕቝባ ገለ ሕቶታት ኣለኩምዶ፧

በየናይ ዝሓሸ መገዲ ኽንዓምም ከም እንኽእል ዚገልጽ ሓሳብ ኣለኩምዶ፧

ከምኡ እንተ ዀይኑ በጃኹም ንፊል ኣዘራርብዎ ወይ ናብ ኣድራሻ: donoharm@safepassage.org.uk ኢ-መይል ልኣኹ።

ስምኩም ክጥቡ ኣየድልየኩምን እዩ ፣ ስምኩም ከይገለጽኩም ድማ ክትጽሕፉ ትኽእሉ ኢኹም ። ይኹን እምበር ስምኩም እንተ ዘይገሊጽኩም ነቲ ዜተሓሳስበኩም ጕዳይ ንምምርማርን ምላሽ ንምሃብን ዘሎና ኽእለት ኣጸቢቑ ኺጸልዎ ይኽእል እዩ።